Удмуртиысь йӧскалык театрын нылпиослы Выль ар кузьым дасязы. «Морозко» спектаклез 20-тӥ толсуре нырысьсэ возьматозы. Со сярысь ивортӥз театрысь литература ёзэтэн кивалтӥсь Наталия Панфилова.
Шулдыр но яркыт Выль ар возьматонэз пуктӥзы егит режиссёр Константин Ложкин но суредась Ольга Глухова, учкисьёслы соос «Бременские музыканты» но «Волшебник Изумрудного города» выжыкылъёсъя тодмо ни.
Сюлмо Настенька, лек сюранаез но солэн Марфа нылыз сярысь пинал дырысен тодмо ӟуч калык выжыкыл выль сямен верамын луоз. Крезьгуро спектакль аспӧртэм пуштросэныз, выль персонажъёсын, актёръёслэн быгатыса шудэменызы, тол суредъёсын но трос спецэффектъёсын паймытоз но шумпоттоз.
Нялтас вераса, тол шулдыръяськон учкон залэ пыремлэсь азьвыл ик кутскоз. Фойеын пиналъёсты Дед Мороз, Снегурочка но выжыкылъёсысь мукет геройёс пумиталозы.
Выль ар шулдыръяськонъёс Йӧскалык театрын 20–30 толсуре но 2–8 толшоре мынозы.

Майя Бывальцева
Информационное агентство «Удмуртия»
18.12.2017